- 42 -

1286, Januar 8. Modritz.

Bischof Dietrich von Olmütz vidimiert auf Bitten des Abtes von Welehrad drei dem Cistercienserorden ertheilte päpstliche Privilegien von 1250 Oktober 14, 1260 November 27 und 1261 Januar 13.

Theodericus dei gracia episcopus Olomucensis ecclesie universis presentes litteras inspecturis salutem in domino sempiternam. Sanctissimorum patrum Innocencii quarti et Alexandri quarti Romane sedis pontificum recordacionis preclare literas non cancellatas, non abolitas nec in aliqua parte sui viciatas salvis filis et bullis, super indultis Cysterciensi ordini privilegiis, cum venerabilibus fratribus nostris Budizlao decano, Cyro preposito, Friderico archidiacono et aliis canonicis ecclesie nostre Olomucensis nos non solum vidisse, sed tractasse ac audivisse testamur per omnia in hec verba: Folgen wörtlich die Bullen des Papstes Innocenz IV, von 1250 October 14 (No. XII.), des Papstes Alexander IV. von 1260 November 20 (No. XXI.) und 1261 Januar 13 (No. XXII.). Et quia frequenter diversi casus requirunt predictorum copiam rescriptorum, quociens indulta predicti ordinis ab eiusdem impugnatoribus ordinis in dubium deducuntur, nos venerabilis et dilecti in Christo fratris domini . . abbatis Welegradensis et conventus ipsius sepedicti Cysterciensis ordinis precibus inclinati iugibus et devotis predicta et prenotata superius prefati ordinis ipsorum privilegia ad amplioris cautele habundanciam rescribi mandavimus et sigillorum tam nostri quam predictorum in Christo fratrum nostrorum . . decani videlicet . . prepositi . . archidiaconi testimoniis communiri, maxime cum eorundem originalia privilegiorum bullata tractari et ad diversa loca deferri frequenter, ad que requirunt negocia sepius emergencia, prenotati sepe ordinis professoribus sit incautum. Actum anno domini M°.CC°.LXXXVI°. sexto Ydus Januarii nobis manentibus aput Modritz.

Or. Perg. Mit den mehr oder weniger, namentlich in den Umschriften beschädigten Siegeln der vorgenannten Prälaten an Pergamentstreifen. Regesten No. 1946.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.